Bjørn Tomren i hotellhagen
Kva passar vel betre enn å nytte junikvelden i hotellhagen til musikk av og med Bjørn Tomren?
Bjørn Tomren - artist, låtskrivar og vokalutøvar frå Tomrefjord. Tomren si musikalske rekkevidde spenner seg frå americana og religiøse folketonar til jazz, viser, jodling, strupesong, dialekt-punk og psykedelisk-protest musikk. Han er kjend mellom anna frå jodle- og trekkspelduoen Polkabjørn & Kleine Heine og bandet Kniven På Strupen med Ole Paus.
Bjørn Tomren har også gjennomført fleire ekspedisjonar og innehar verdsrekorden i flest forseringar av Noreg på langs; i kajakk, til fots, på ski og i robåt. Han kan også sjå tilbake på ei kort en karriere som klovn. Eller som forfatteren Erlend Loe seier det: «Bjørn Tomren er ikkje berre ein gudbenåda musikar med fantastisk stemme. Han kan også sykle på ett hjul». Stjernekamp er ikkje den første konkurransen Tomren gjer seg bemerka. I 2017 deltok han på verdsmeisterskapet i strupesong i Tuva, og tok heim ein bronsehest. Ein allsidig kar der altså.
Med seg på scenen på denne konserten har Tomren Åse Britt Jakobsen, Edvard Mjanger og Hans Olav Molde.
Restrictions
Aldersgrense 18 år.
* Denne konserten er ein av fem konsertar som også går inn under ordninga med Festivalpass. Om du ikkje alt har sjekka ut dette med festivalpass kan det kanskje vere lurt. 😊
Waiver
Kjøpte billettar vert ikkje refundert